Reglement Marshe di Playa Papiamentu

Akuerdo di Koperashon Marshe di Playa

Introdukshon

Marshe di Playa ta un proyekto piloto di Boneiru Duradero. E proyekto akí ta haña sosten kompleto di fondonan ku ta na disposishon pa medio di Wereld Natuur Fonds Nederland den e periodo di sèptèmber 2015 te ku yüni 2016. Meta ta pa stimulá inisiativanan komersial chikitu na Boneiru.

Despues di e periodo piloto ta posibel pa konbertí Marshe di Playa den forma di un fundashon òf di un asosiashon koperativo. Den e kualidat ei e marshe ta bira pa 100% responsabilidat di e empresarionan lokal ku ta forma parti di Marshe di Playa.

E gastu di fundamentu respektivamente gastu di notario ta pa kuenta di e organisashon nobo i no ta kai bou di e finansiamentu menshoná akiriba.

Tin 25 kupo komersial pa stènt disponibel. E sobrá stèntnan ta na disposishon di organisashonnan NGO i ta disponibel pa aktividat èkstra, manera tayer pa mucha ku Boneiru Duradero ta organisá.

Señor Onnie Emerenciana ta e persona di kontakto pa e marshe. E tim di Marshe di Playa lo sostené e empresarionan kaminda ta posibel den desaroyo di nan abilidatnan pa medio di tayer i kurso. Lo hiba tambe un kampaña intensivo di merkadeo pa krea fama pa Marshe di Playa bou di poblashon lokal i turista. Komo prestashon di nan parti Marshe di Playa ta spera un kompromiso serio di tur empresario ku stènt ku ta partisipá na e marshe semanal.

Den e reglamento athuntu tin e reglanan pa partisipashon stipulá. Esakinan ta basá riba norma ku balornan ku en general ta vigente. Ademas for di punta di bista duradero a agregá algun kriterio. Ta supliká tur partisipante ku ke partisipá na Marshe di Playa pa firma e reglamento komo akuerdo.

 

Reglamento Marshe di Playa

 

Harma i Desharmá marshe

 

  1. Marshe ta habri su portanan 8 or pa públiko. Tur komersiante ku stènt di marshe mester ta kla pa kuminsá bende.
  2. Ta harma e stèntnan pa marshe riba e patio di Jong Bonaire. No ta posibel pa drenta e patio ku outo. Zona di deskargá karga i kohe karga ta na e porta grandi di kurá.
  3. Doñonan di stènt mester stashoná nan outo pafó di e tereno di parking di manera ku ta sobra mas tantu kupo di parking pa bishitante.
  4. Doñonan di stènt no por skohe nan propio parada (plèki). E stèntnan ta haña number i ta asigná doño di stènt kada siman un otro stènt.
  5. Lo pone kliko èkstra riba e tereno di marshe. Doño di stènt mester hasi uso di e klikonan akí i sòru ku no ta laga shushi atras riba e patio di Jong Bonaire.
  6. E marshe ta dura te ku 12.00 or. Doño di stènt no mag start ku paketá merkansia di nan stènt promé ku 11.45 or.

 

Gastu di partisipashon

 

  1. E kontribushon semenal pa marshe ta suma $10 pa partisipante pa siman. Onnie Emerenciana lo kobra e kontribushon na inisio di marshe. E kontribushon ta destiná pa pago di gastu di hür di Jong i pa pago di harma i desharmá e stèntnan di marshe.
  2. No tin mester di paga pa stènt di marshe, Boneiru Duradero ta pone esakinan gratuitamente na disposishon.

 

Oferta di Produkto

 

  1. No tin mag di bende bibida alkohóliko durante marshe!
  2. Produktonan preferiblemente mester ta produsí òf trahá na Boneiru.
  3. Marshe di Playa ke krea un oferta variá di produkto pa bishitante. Ta supliká empresarionan ku ta ofresé mesun produkto òf produkto paresido pa koperá ku otro.
  4. Marshe di Playa lo hasi eksepshon pa produkto ku tin un balor agregá grandi òf ta suministrá un nesesidat lokal ku empresanan eksistente no ta suministrá na Boneiru.
  5. Ta kompartí e marshe den sorto di produkto. Empresarionan tin ku bende un surtido di konsistente den nan stènt.
  6. Empresarionan ku ke bende mas ku un tipo di produkto, lo mester buska un koperashon ku otro doño di stènt riba marshe.
  7. Marshe di Playa ta mantené e derecho pa rechasá produkto, servisio òf empresario na e marshe.

 

Responsabilidat di Produkto

 

  1. Doño di stènt ku ta bende komestibel ta karga nan propio responsabilidat pa nan karchi di kùr (karchi blou). E karchi di kùr (karchi blou) ta obligatorio.
  2. Bendedó di komestibel mester traha di manera higiéniko i sòru pa merkansia ku por daña ta wardá di manera ku nan ta keda bon friu.
  3. Doño di stènt tin su propio responsabilidat pa e kalidat di e produktonan ku e ta ofresé.
  4. Doño di stènt mester atendé ku keho di bishitante tokante produkto bendé.

 

Kontinuidat

 

Marshe di Playa ke krea un grupo di bishitante leal, di manera ku empresarionan por tin bon benta kada siman. Esaki ta solamente posibel ora ku e marshe ta ofresé kontinuidat den oferta i kalidat di produkto.

  1. Doño di stènt ku no por òf no ke partisipá tur siman na Marshe di Playa ta bai den un sistema di turno. E doñonan di stènt akí no por skohe pa partisipá solamente den e promé òf delastu siman.
  2. Den kaso ku e doño di stènt no por presentá pa motibu di malesa òf otro motibu e mester partisipá esaki por lo ménos 5 dia di trabou adelantá, di manera ku e tim di Marshe di Playa por buska remplasante.

 

Interior di stent

 

Kada stènt ta kuater meter hanchu i ta kompartí den dos pida, di manera ku dos doño di stènt por hasi uso di un stènt kompleto. E stènt tin un profundidat di 1 meter. Kada empresario tin un superfisie di 2 x 1 meter komo espasio pa bende produkto.

 

  1. E stèntnan mester tin un aparensia di ta nèchi i atraktivo.
  2. Den kaso ku e doño di stènt tin un surtido/oferta di produkto limitá ta prudente pa buska partner di benta ku tin artíkulo paresido. Ta posibel pa mas ku 2 bendedó hasi uso di un stènt. Kada bendedó ta mantené e obligashon di $10 pa siman/pa persona.
  3. Por eksponé produkto solamente den stènt pues no den e koredornan.
  4. Espasio tras di e stènt, na banda di e bendedó, por usa pa depositá produkto, a ménos ku esaki no ta desordená.
  5. Doño di stènt mester trese su propio stul.

 

Uso di awa ku koriente

 

  1. Jong Bonaire (JB) ta permití uso limitá di awa ku koriente. Esaki ta nifiká ku doñonan di stènt mester hasi uso kremenchá di awa ku koriente. Den kaso ku ta kobra Marshe di Playa èkstra pa awa ku koriente, lo traspasá esaki pa kobra e doñonan di stènt ku ta hasi uso di awa ku koriente.
  2. Doño di stènt ku ta hasi uso di aparato eléktriko manera aparato pa mantené produkto kayente mester sòru ku esakinan ta seif pa usa.
  3. Waya di ekstenshon tin ku kore pafó di e koredornan. E wayanan di ekstenshon mester ta den bon kondishon.
  4. Doñonan di stènt ku ta usa aparato pa mantené produkto kayente mester kontrolá esakinan ku nan no ta kenta di mas.
  5. Uso di bòter di gas no ta permití.

 

Durabilidat

 

E tim di Marshe di Playa ta empeñá na fomentá durabilidat na Boneiru. Ta supliká bishitante di Marshe di Playa pa trese nan mes tas pa respondi. Kada stènt ta haña un bòrchi ku teksto “Bring Your Bag!”

 

  1. Doñonan di stènt no tin mag di parti tas di plèstik. Alternativanan pa tas di plèstik ta kaha di karton, ku por pasa buska na kada supermerkado i toko.
  2. Marshe di Playa ta supliká partisipantenan pa hasi mas ménos tantu posibel uso di ‘styro foam’ i ‘single use plastic containers’ komo material di empake.
  3. Marshe di Playa tin un kantidat limitá di tayó i kuchú, fòrki ku kuchara ku por fia na doño di stènt ku ta bende kuminda. Doño di stènt mes mester laba e sèrvis i entregá esakinan na final di e marshe.

 

Feedback & Evaluashon

 

E tim di Marshe di Playa semper ta habrí pa feedback.

  1. Marshe di Playa ta invitá doñonan di stènt pa forma parti aktivamente di e marshe i pa pensa konhuntamente riba punto di mehorashon pa e marshe.
  2. Periódikamente lo tene reunion di evaluashon pa kua ta invitá tur doño di sènt.

 

 

Post navigation