BON DOET Tene Boneiru Limpi Washikemba

Riba 21 di mart proksimo Tene Boneiru Limpi (TBL) ta organisá un akshon di limpiesa den kuadro di BON DOET. E limpiesa lo tuma luga na e sitio di Washikemba. E sitio aki ta hopi bunita, pero algun parti ta keda destrosa dor di shushi ku ta keda tira riba kaya.

E “plattelandsontwikkelingsproject”, miho konosi komo POP, ta tene su mes aktivamente okupá ku e desaroyo di Washikemba pa un sitio turistiko. Den futuro e kunukunan den bisendario lo ofrese servisio turistiko. Pa e kunukero nan esaki lo ta un entrada ekstra.

Tene Boneiru Limpi lo duna yudansa nan e projecto POP den forma di kordina e akshon di limpiesa. Naturalmente nos ta spera ku hopi boluntario lo registra pa tuma parti na e akshon aki i ku lo duna un man pa hasi e kaminda di 15km limpi.

Nos lo reuni djasabra 21 di mart 7:30 di mainta na e kaminda di tera (na man drechi) ku ta kuminsa na kaminda Lagun sigi bai Washikemba. E limpiesa ta di 8:00 pa 11:00 am. Tene Boneiru Limpi lo indiká e kaminda nan pa hasi limpi.

Bo tambe lo ke tuma parti pa kuida e naturalesa di Washikemba I yuda e desaroyo di nos ekonomia di e sitio aki? Registra bo mes via c.cranston@selibon.com

Post navigation